VIDEO/ Ndodh në Argjentinë, gjyqtari godet me thikë një futbollist gjatë ndeshjes

Një ndeshje e ligës amatore në qytetin Eldorado në rajonin verilindor të Misiones të Argjentinës, për pak sa nuk hyri në histori për një tragjedi të pabesueshme.

Gjyqtari i ndeshjes, 62 vjeçari Remilio, ka goditur me thikë lojtarin 21 vjeçar, duke ia ngulur në gjoks dhe vetëm disa centimetra larg kanë qenë ato që e kanë shpëtuar të riun pa i prekur zemrën. Arbitri i sfidës është arrestuar dhe përballet me akuzën e vrasjes së mbetur në tentativë.

Teksa ndeshja ishte në zhvillim e sipër, ka lindur tensioni mes lojtarëve të të dyja skuadrave, ku arbitri është përfshirë dhe pas protestave të lojtarin 21 vjeçar, gjyqtari ka nxjerrë thikën që e mbante me vete dhe e ka goditur në gjoks.