Odise Roshi gjeti sërish rrugën e rrjetës në Turqi
Odise Roshi rikthehet të gjejë rrugën e rrjetës në Turqi, teksa ka shënuar në ndeshjen e Ligës së Parë turke. Aktualisht, po luhet ndeshja mes Tuzlaspor dhe Sakaryaspor me lojtarin shqiptar që shënoi për Sakaryaspor në minutën e 35.
Sulmuesi ia doli të shfrytëzonte më së miri një harkim nga e djathta dhe me një goditje të saktë me kokë mposhti portierin kundërshtar.
Ky ishte goli i dytë për 32-vjeçarin në këtë sezon të Ligës së Parë turke, teksa me fanellën e Sakaryaspor koleksionon 15 paraqitje. Për momentin skuadra e Roshit është në vendin e katërt në renditje dhe synon që sezonin e ardhshëm të bëhet pjesë e elitës.
