“Lufta është një krim kundër njerëzimit, njerëzit kanë nevojë për paqe”, tha Papa Françesku
Papa Françesku sot, pasi lexoi lutjen e tij javore në Vatikan, tha se lufta është një "krim kundër njerëzimit" dhe përsëriti thirrjen e tij për paqe në Ukrainë dhe Lindjen e Mesme.
“Të mos e harrojmë këtë”. Njerëzit kanë nevojë për paqe, bota ka nevojë për paqe”, tha Papa.
Ai u lut që njerëzit të mos harrojnë ata që po vuajnë në shumë pjesë të botës për shkak të “mizorisë së luftës” dhe në disa raste ai bëri thirrje për t’i dhënë fund luftës në Ukrainë dhe Gaza.
“Le të lutemi që ata që kanë pushtet mbi këto konflikte të marrin parasysh faktin se lufta nuk është mënyra për t’i zgjidhur ato, duke pasur parasysh se ajo mbjell vdekje midis civilëve dhe shkatërron qytete dhe infrastrukturë,” tha ai.
