Microsoft ka përgatitur një rival për Google Play Store dhe App Store
Microsoft prej disa kohësh po përgatit një rival për Google Play Store dhe App Store dhe duket se më në fund ka ardhur koha që të shohë dritën e ditës
Presidentja e Xbox Sarah Bond tha në një konferencë të fundit se Microsoft do të shpallë një dyqan të lojërave celular në korrik.
Ajo vuri në dukje se fillimisht do të përbëhet nga lojëra të Microsoft-it dhe produktet nga zhvilluesit e tjerë do të vijnë më vonë. Gjithashtu do të përfshihet një zbritje për blerjen e “artikujve” të caktuar në lojëra si Candy Crush.
Bond shtoi se ky do të jetë një dyqan aplikacionesh i bazuar në ueb, jo një aplikacion i veçantë. Qëllimi është të jetë “i disponueshëm në të gjitha pajisjet, në të gjitha vendet, pavarësisht se çfarë”, theksoi ajo.
Disa lojëra të tjera të njohura do të jenë aty që nga fillimi, si Minecraft, por nuk është plotësisht e qartë nëse ato do të jenë të disponueshme për shkarkim, transmetim ose të dyja.
Kompania, megjithatë, tashmë u ka ofruar lojtarëve shërbimin e vet Xbox Cloud Gaming, i cili lejon abonentët e Xbox Game Pass të transmetojnë lojëra përmes Internetit në PC, konsolën ose pajisjen e tyre celulare.
