KUJDES! Është e shijshme, por e rrezikshme për shëndetin

Nuk ka asnjë rostiçeri më të popullarizuar se patatinat, por ato me shije proshutë së shpejti do të jenë jashtë stokit.

Patate të skuqura me shije proshutë të tymosur do të ndalohen në të gjithë Bashkimin Evropian pasi Autoriteti Evropian i Sigurisë Ushqimore (EFSA) zbuloi se shijet e njohura të tymit artificial mund të shkaktojnë probleme serioze shëndetësore.

Përkatësisht, EFSA njoftoi se shija e tymit është e lidhur me gjenotoksicitetin, gjegjësisht aftësinë e kimikatit për të dëmtuar materialin gjenetik të qelizave.

-Ndryshimet ose mutacionet në informacionin gjenetik në qelizë mund të rrisin rrezikun e zhvillimit të kushteve të tilla si kanceri dhe sëmundjet trashëgimore, shpjeguan ata.

Në fund u konkludua se “me këtë lloj toksiciteti nuk mund të përcaktohet niveli i sigurt i aromës”, ndaj në fund të muajit prill u mor vendim për ndalim total. Sigurisht, ndalimi i shitjes së patate të skuqura me shije proshutë nuk do të ndodhë brenda natës. Periudha e përshtatjes do të zgjasë dy vjet në vendet anëtare të BE-së.

-Pas periudhës së përjashtimit, ato shije nuk do të lejohen më për përdorim në BE, tha EFSA.

Kështu, vendet anëtare të BE-së ranë dakord në heshtje për një ndalim në fund të prillit dhe aromatizuesit e tymit do të hiqen plotësisht gjatë disa viteve të ardhshme në të gjithë Evropën.

Por kjo nuk do të ndikojë vetëm tek patatet e skuqura, pasi këto shije shpesh i shtohen mishit, djathrave, peshkut dhe salcave si salca e Barbecue.