Hungarezët anuluan takimin mes Szijjártó dhe Berbók, Gjermania e befasuar

Hungaria ka anuluar takimin e ministrit të Jashtëm Petar Szijjártó me Ministren e Jashtme gjermane, Analena Berbock, të planifikuar për të hënën në Budapest për arsye teknike, jo politike, tha Ministria e Jashtme hungareze.

“Për shkak të një ndryshimi të paparashikuar në kalendarin e ministrit, Ministria e Punëve të Jashtme ka kërkuar që vizita të bëhet më vonë, shpresojmë në një të ardhme të afërt”, tha ministria.

“Arsyeja është thjesht teknike, jo politike”, pohojnë ata.

Ministria e Jashtme gjermane tha dje se ishte e befasuar nga anulimi i takimit të paralajmëruar dhe se duhej një diskutim “serioz dhe i ndershëm” pas takimit të djeshëm në Moskë të kryeministrit hungarez Viktor Orban me presidentin rus Vladimir Putin.

Takimi në Moskë ishte takimi i parë i një lideri të BE-së me Putinin në Moskë që nga prilli 2022, dy muaj pasi Moska filloi një pushtim të plotë të Ukrainës.

Takimi zemëroi shumicën e liderëve të Bashkimit Evropian, të cilët kanë paralajmëruar të mos i nënshtrohen Moskës dhe ishin të bindur se Orbán nuk po fliste në emër të BE-së.