NASA ka publikuar imazhe të bashkimit të dy galaktikave

Procesi i bashkimit është cilësuar si një lloj baleti kozmik dhe regjistrimi është publikuar me rastin e dyvjetorit të prezantimit të rezultateve të para shkencore të punës së observatorit orbital.

Dy galaktikat në imazhet ndodhen 326 milionë vite dritë nga Toka, në yjësinë Hidra. Një vit drite është distanca që përshkon drita në një vit, ose 9.5 trilion kilometra.

“Ne po shikojmë dy galaktika, secila një grumbull me miliarda yje. Galaktikat janë në proces bashkimi. Kjo është mënyra normale që galaktikat si e jona evoluojnë me kalimin e kohës, për t’u rritur nga galaktika të vogla – si ato që Webb gjeti menjëherë pas Big Bengut – në galaktika të pjekura si Rruga jonë e Qumështit”, tha shkencëtari i misionit James Webb.

Webb, i cili filloi funksionimin në vitin 2021 dhe filloi të mbledhë të dhëna vitin e ardhshëm, ndryshoi kuptimin e universit të hershëm me imazhe mahnitëse të kozmosit.

Që kur u bë funksional, Webb ka vëzhguar galaktika të mbushura me yje që u formuan brenda disa qindra milionë viteve të Big Bengut, i cili shënoi fillimin e universit rreth 13.8 miliardë vjet më parë.

Bashkimi i galaktikave Penguin dhe Veza njihen kolektivisht si Arp 142. Ato shfaqen në imazhe si një mjegullnajë e bashkuar që është një përzierje e yjeve dhe gazit.

Ndërveprimi i tyre, sipas NASA-s, filloi rreth 25 deri në 75 milionë vjet më parë dhe pritet të bëhet një galaktikë e vetme brenda disa qindra milionë viteve të ardhshme.