Nis debati për propozim rishikimin e buxhetit për vitin 2024.

Nis debati për propozim rishikimin e buxhetit për vitin 2024. Deputetët e shumicës dhe opozitës ballafaqojnë argumentet e tyre “pro” dhe “kundër” rebalancit të arkës së shtetit.

Me rebalancimin janë paraparë 5,1 miliardë denarë, shtesë për pagesën e pensioneve, për mbështetje financiare në sektorin e bujqësisë, për shujtën e studentëve, si dhe para për projekte nëpër komuna. Për pushtetin ky rebalanc nënkupton sigurimin e financave për funksionimin normal të shtetit, dhe nga ana tjetër opozita akuzon se rebalancimi është katastrofal.