A do të blinit një apartament, tavani i të cilit është bërë me bioplastikë dhe rroje druri?

Në bashkëpunim me studion e famshme Shop Architects, shkencëtarët amerikanë arritën të krijojnë një alternativë të mundshme ndaj tavaneve prej çeliku dhe betoni – panele të riciklueshme të bëra nga bioplastika dhe rroje druri. Ky produkt, në fakt, është një panel që prodhohet më shpejt se ato prej betoni dhe çeliku dhe në të njëjtën kohë është më i mirë për mjedisin. Panelet janë bërë nga acidi polilaktik, një bioplastik që krijohet si nënprodukt i mbeturinave të misrit, i cili përzihet me ashkla druri. Paneli ka të njëjtën forcë si një strukturë tipike prej çeliku dhe betoni, por është e biodegradueshme.

Megjithëse paneli është në fazat e hershme të zhvillimit, studiuesit dhe arkitektët besojnë se ai ka potencial të rëndësishëm për të avancuar përdorimin e materialeve organike në ndërtim.

Sigurisht që shtrohet pyetja se si do të sillen këto tavane në kushte reale. Nuk ka të dhëna për rezistencën ndaj zjarrit, domethënë se si do të sillet paneli në rast zjarri. Nuk dihet gjithashtu se sa i përshtatshëm është ky produkt për përdorim në ndërtime banimi për sa i përket zhurmës, domethënë nëse zëri do të transmetohet përmes tavanit të bërë nga ky material.