Shtohen akuzat ndaj Ilir Metës

Shtohen akuzat ndaj ish presidentit të Shqipërisë, kreut të Partisë së Lirisë, Ilir Metës. Ish deputeti Halit Valteri, personi që bëri kallëzimin në SPAK ndaj Ilir Metës për çështjen e lobimeve dhe kontratave qindra miliona dollarësh në SHBA, deklaroi në televizionin A2 CNN, akuza se ish kreu i shtetit, Meta, është i përfshirë në një vrasje të bujshme në Lezhë. Valteri e cilëson Ilir Metën, si e keqja më e madhe e shqiptarëve.

Ilir Meta, prej ditësh në burg, është i akuzuar për korrupsion, pastrim parash dhe pasuri të pa deklaruara. Nga ana tjetër, sipas avokatit Spartak Ngjela, mendohet se Ilir Meta, ditën e arrestimit të tij, ku po kthehej nga Kosova, qëllimi i vizitës në Kosovë ishte pritja e përgjigjes për azil politik në Hungari, por që ishte refuzuar nga Budapesti.