Receta për smoothie-n perfekt për të ftohtin dhe sinuset: Ju duhen vetëm 4 përbërës
Sinuset mund të jenë një burim shqetësimi të madh, veçanërisht gjatë sezonit të ftohjes dhe gripit, por ka një sërë mënyrash natyrale për të lehtësuar problemet dhe dhimbjet.
Inflamacioni, kongjestioni dhe dhimbja ulin ndjeshëm cilësinë e jetës duke shkaktuar dhimbje koke, presion në ballë dhe fytyrë dhe probleme me frymëmarrjen. Përveç trajtimeve tradicionale, ka një sërë mënyrash natyrale për të ndihmuar trupin tuaj të luftojë inflamacionin e sinusit.
Më poshtë është një recetë për një smoothie të shijshme që mund të ndihmojë në lehtësimin e simptomave dhe t’ju ndihmojë të luftoni viruset.
Përbërësit:
– 2 karota
– 2 portokall
– 1 mollë jeshile
– 1 copë xhenxhefil të freskët
Përgatitja:
Përgatitja është e thjeshtë – hidhni të gjithë përbërësit në një blender dhe përziejini derisa të përftoni një strukturë të lëmuar. Ky smoothie është një zgjedhje e shkëlqyeshme për të filluar ditën tuaj, por gjithashtu mund të shijohet midis vakteve për t’u siguruar që po merrni lëndë ushqyese të rëndësishme.
