Qëllimi kryesor i këtij ligji është të reduktojë “dimin” që rrjetet sociale mund t’u shkaktojnë të rinjve në Australi”, theksoi Albanese. Prindërit janë të shqetësuar për sigurinë e fëmijëve të tyre në internet, ashtu si unë”, tha kryeministri. “Dua që familjet australiane të dinë se qeveria qëndron pas tyre.”

Ligji i propozuar do t’i paraqitet parlamentit javën e ardhshme dhe nëse miratohet, do të hyjë në fuqi një vit më vonë dhe do t’i nënshtrohet shqyrtimit pas zbatimit.

Mbështetja dhe kritika: Mes ndalimeve dhe edukimit

Projektligji parashikon përgjegjësi në rrjetet sociale, ndërsa vetë fëmijët apo përdoruesit e vegjël nuk do të përballen me penalitete. Megjithatë, ndalimi nuk do të zbatohet për të rinjtë që tashmë kanë llogari të hapura dhe as pëlqimi i prindërve nuk do t’i lejojë fëmijët nën 16 vjeç të hyjnë në platforma të tilla si TikTok, Instagram dhe Facebook.

Megjithëse shumë ekspertë i njohin rreziqet e mundshme të rrjeteve sociale për shëndetin mendor të adoleshentëve, disa besojnë se ndalime të tilla nuk janë mënyra më efektive për t’u marrë me këtë problem. Ata theksojnë se një ndalim i plotë vetëm vonon takimin e të rinjve me rrjetet sociale në vend që t’i ndihmojë ata të mësojnë se si të lundrojnë në hapësirën dixhitale në mënyrë të sigurt.

Grupi më i madh i të drejtave të fëmijëve në Australi e ka kritikuar publikisht ligjin e propozuar si “tepër të rreptë”. Në një letër të hapur të nënshkruar nga më shumë se 100 akademikë dhe 20 organizata joqeveritare, grupi i kërkoi qeverisë të përqëndrohet në vendosjen e standardeve të sigurisë për mediat sociale në vend të një ndalimi të plotë, raporton BBC.

Mbështetje për propozimin legjislativ për mbrojtjen e shëndetit mendor

Nga ana tjetër, prindërit dhe aktivistët vendas e mbështetën ligjin, duke theksuar se ndalimi është i nevojshëm për të mbrojtur fëmijët nga përmbajtja e dëmshme, keqinformimi dhe dhuna e bashkëmoshatarëve.

Peticioni 36 Muaj, i cili ka mbledhur mbi 125,000 nënshkrime, thotë se “fëmijët nuk janë ende gati të përdorin rrjetet sociale në mënyrë të sigurt” para se të mbushin 16 vjeç. Nisma pretendon se përdorimi i tepërt i rrjeteve sociale dëmton zhvillimin mendor të të rinjve, duke shkaktuar shtim të problemeve mendore tek fëmijët.

Kryeministri Albanese beson se nuk mjafton një qasje e bazuar vetëm në edukimin e fëmijëve për sigurinë dixhitale, sepse “supozon se fëmijët dhe kompanitë kanë ndikim të barabartë në hapësirën dixhitale”. Ai theksoi se fuqia e rrjeteve sociale dhe algoritmeve të tyre tejkalon aftësinë e përdoruesve të rinj për të mbrojtur veten, duke e komplikuar më tej sigurinë e tyre.