Shpërthimi në Shkup – Ja kush dyshohet të jetë cak i sulmit

Një shpërthim ka ndodhur sot rreth orës 9:30, në Shkup ku si pasojë ka mbetur i plagosur një person.

Sipas informacioneve jo zyrtare, cak i sulmit me granatë dorë ka qenë Rade Trajkovski-Shtekli i cili për momentin ndodhet në ndërhyrje kirurgjikale në Spitalin e Qytetit në Shkup.

Në vendin e ngjarjes ndodhet policia dhe njësia anti-terror.

Motivet e atentatit nuk bëhen të ditura por ajo që dihet është se Trajkovski-Shtekli ishte disa herë cak i atentateve, së fundi në qendrën tregtare East Gate Mall.

Gjatë ditës pritet edhe versioni zyrtar i policisë. / Alsat.mk