Kosova përballet me Lituaninë në stadiumin “Fadil Vokrri”
Kombëtarja e Kosovës do të takohet me atë të Lituanisë në kuadër të ndeshjes së fundit në këtë edicion të Ligës së Kombeve. “Dardanët” do të jenë nikoqir të Lituanisë në ndeshjen e xhiros së gjashtë të Grupit 2 në Ligën C të Ligës së Kombeve.
Ky takim është paraparë të luhet në stadiumin ‘Fadil Vokrri’ në Prishtinë me fillim nga ora 20:45. Djelmoshat e Franko Fodës do të synojnë ta mbyllin me fitore këtë edicion të Ligës së Kombeve dhe këtë duhet ta bëjnë përkundër disa mungesave.
Kjo pasi tekniku Franko Foda ka njoftuar mbrëmë (e diel) se për këtë takim nuk do të jenë në dispozicion emra si Amir Rrahmani dhe Lumbardh Dellova shkaku i numrit të kartonëve të verdhë. Përzgjedhësi i Kosovës ka kërkuar nga lojtarët përkushtim maksimal dhe energji duke mos nënvlerësuar aspak kundërshtarin.
