Luis Enrike  vihet “nën goditje” të mediumeve franceze

“L’Equipe” i dedikon ballinën e numrit të sotëm Luis Enrikes dhe publikon një “motion censura” për të përshkruar situatën delikate që po kalon trajneri spanjoll te PSZH. Gazeta franceze thekson se Luis Enrike, i cili ka rinovuar kontratën deri në vitin 2027, është “i mbyllur ndaj ndryshimeve”, është një “trajner autoritar” dhe tregohet “dogmatik” në drejtimin e PSZH-së.

Loïc Tanzi pyet nëse “Luis Enrike po e humbet dhomën e zhveshjes (mbështetjen e lojtarëve) së PSZH”.

Spanjolli Enrike po diskutohet shumë në Paris, pas barazimit kundër Nantit në “Parce des Princes” dhe humbjes në Ligën e Kampionëve ndaj Bajern Munihut.

“Omnipotenca e Luis Enrikes po fillon të shqetësojë PSZH”, – shkruan ai. Lojtarë të rëndësishëm të PSZH-së mendojnë se Enrike i përdor ata si në një video-lojë.

“L’Equipe” siguron se Ousmane Dembélé e konsideron të padrejtë trajtimin publik që i bën Luis Enrike dhe se lojtarë shumë të rëndësishëm ndihen si në një video-lojë, ku trajneri i manipulon ata në fushë me një kontrollues”.

Nga dhoma e zhveshjes, gjithashtu akuzohet trajneri spanjoll për mungesë pune në pozitat mbrojtëse të topave të këndit.

“Disa punonjës gjithashtu shprehin rezerva për menaxhimin e klubit në muajt e fundit, – shton më tej Loïc Tanzi. Luis Enrique mund ta lavdërojë një lojtar sy më sy dhe ta kritikojë disa minuta më pas në konferencë për shtyp”.

Një burim i afërt me dhomën e zhveshjes së PSZH-së tregon se “Luis Enrike është i mirë në konferencat për shtyp dhe hedh fraza të mëdha kundër lojtarëve të tij. Por, ballë për ballë, gjithmonë është më i sjellshëm në atë që thotë. Ai mundet, për shembull, ta ngushëllojë një lojtar pas një paraqitje të keqe dhe ta kritikojë disa minuta më vonë në konferencë shtypi. Dy personalitete të mërzitshme”.

Po ashtu, nga Franca theksohet se marrëdhënia e Luis Enrikes me Luís Kampos, këshilltarin sportiv të PSZH-së, nuk është në momentin më të mirë.