Villnev: Konkurenca e pilotëve te Meklareni dhe Ferrari, e favorizon Verstapenin

Zhak Villenev, një nga ikonat e Formula 1 dhe kampion bote, beson se Maks Verstapen mund të shpallet kampion edhe sezonin e ardhshëm edhe pse “Red Bull” tregoi se nuk është makina më e mirë në gjysmën e dytë të sezonit të vitit të kaluar.

Ish-piloti kanadez shprehet se rivaliteti që do të kenë mes tyre pilotët e MekLaren dhe Ferrari mund ta ndihmojë Verstappen.

“Te Meklaren kemi Lando Norris dhe Oskar Piastri që janë të fortë, janë pilotë fitues dhe që duelojnë mes tyre për fitore”, u shpreh Villenev.

“E njëjta gjë është edhe te Ferrari, ku Sharll Lekler do të përballet edhe me Luis Hamiltonit brenda skuadrës për fitore. Kjo gjë u pa edhe vitin e kaluarme këta pilotë, ndërkohë që në mes është edhe Mercedes, që mund të fitojë me Xhorxh Rasell”, shtoi kanadezi.

“Ndërsa te Red Bull është vetëm Verstapen që do të duelojë për fitore dhe kjo mund ta ndihmojë atë për t’u shpallur kampion bote. ‘Red Bull’ do të fokusohet shumë tek Maks Verstapeni, ndërsa i riu Louson do ta ndihmojë dhe ky do të jetë avantazh për Verstapenin”, tha Villenev.