Aksident i rëndë në Elbasan, tri automjete të përfshira! Një person në gjendje të rëndë

Një aksident trafiku është regjistruar në aksin e rrugës kombëtare Elbasan-Ish Kombinati Metalurgjik.

Në aksident janë përfshirë tri automjete të cilat pas përplasjes mes tyre janë shkatërruar pjesërisht.

Burime nga vendngjarja bënë me dije se një person ka mbetur i plagosur në gjendje të rëndë dhe të paktën dy të tjerë kanë pësuar lëndime të lehta.

Mbeten të paqarta rrethanat e aksidentit, ndërsa policia dhe zjarrfikësja ndodhet në vendngjarja.

Deri më tani dyshohet se shkak i përplasjes ka qenë parakalimi i gabuar dhe shpejtësia tej normave të lejuara.