Mickoski publikon fotografitë, pas vizitës që iu bëri të lënduarve të tragjedisë së Koçanit

Kryeministri Hristjan Mickoski, ka publikuar në rrjetin social Facebook, fotografitë nga vizita e të lënduarve të tragjedisë së Koçanit, shkruan Alsat.

Mickoski, i publiko këto fotografi, pas një konference për media, që e mbajti pas vitzitës në spital, aty ku u pyet nga gazetarët se çfarë mendon për fotografitë e publikuara dje nga presidenti serb Aleksandar Vuçiq, me pacientët që u dërguan atje për shërim.

“Sot kam vizituar të lënduarit nga zjarri tragjik në Komunën e Koçanit në QKB “8 Shtatori” në Shkup.

Qeveria po merr të gjitha masat e nevojshme për të shpëtuar jetë dhe ekipet mjekësore po bëjnë përpjekje mbinjerëzore. Një numër i madh pacientësh janë transferuar jashtë vendit dhe shteti do të mbulojë shpenzimet e dy familjarëve për të vizituar më të dashurit e tyre.

Ne jemi mirënjohës për ndihmën dhe mbështetjen ndërkombëtare”, ka shkruar Mickoski./ Alsat.mk