Polici mbron makinën e të “fortit”, reagojnë qytetarët

Janë vërshuar rrjetet sociale me reagime pasi u publikua një video-incizim ku shihen disa qytetarë në lagjen Debar Mahallë të Shkupit duke kërkuar nga shërbimi i merimangës ta marrë një automjet “Porshe” të parkuar në mënyrë të parregullt në korsi biçiklete, ndërsa një zyrtar policor refuzon të jep urdhër për ta hequr automjetin nga rruga. Në video, polici fillimisht nuk jep urdhër që të largohet automjeti duke theksuar se është i një zyrtari policor i cili është në detyrë. Megjithatë, qytetarët reagojnë duke i thënë se si është e mundur që 4 orë personi qëndron në kafene. Pas insistimit të qytetarëve, polici jep urdhër që të largohet makina. Sipas policisë, ngjarja ka ndodhur më 22 mars, ndërsa automjeti është privat dhe nuk është i ndonjë zyrtari policor. Ndaj pronarit të makinës, është shqiptuar gjobë, ndërsa për veprimin e policit, Sektori i Kontrollit të Brendshëm ka ngritur procedurë. /Alsat.mk

https://www.facebook.com/1763060534/videos/692169343233577/