Zbulohet një varr masiv romak në Vjenë të Austrisë

Arkeologët kanë zbuluar një varr masiv romak që daton në shekullin e parë pas Krishtit në periferi të Vjenës. 150 burrat u varrosën pa ceremoni dhe ka shumë të ngjarë të kenë vdekur gjatë një beteje të panjohur midis fiseve gjermane dhe romakëve. Një gjetje e tillë është jashtëzakonisht e rrallë pasi romakët zakonisht i digjnin të vdekurit e tyre, edhe në kohë lufte. Të gjithë të vdekurit tregojnë shenja të qarta të plagëve të betejës të shkaktuara nga shpata, shtiza dhe madje edhe katapultat romake. Me kërkime të mëtejshme, arkeologët shpresojnë të marrin një pasqyrë unike të marrëdhënieve midis Romës dhe fiseve gjermane.

“Gjetja e të vdekurve, kjo është unike për të gjithë historinë romake. Me këtë gjetje ne kemi një shans të veçantë për të studiuar ushtarët romakë, por ndoshta edhe luftëtarët gjermanë, për të rindërtuar historitë e jetës së këtyre njerëzve. Kjo duhet të na japë njohuri të reja për marrëdhënien midis romakëve dhe fiseve gjermane gjatë perandorisë romake”, deklaroi Michaela Binder, arkeologe. /Alsat.mk