“AS”: Koha e Luka Modriqit te Real Madridi, ka përfunduar

Luka Modriq pritet të jetë futbollist i Real Madridit edhe për më pak se dy muaj, pasi shanset për vazhdimin e kontratës janë të vogla, shkruan mediumi spanjoll “AS”. Në situatë të njëjtë janë edhe Lukas Vaskez dhe David Allaba

Modriqi në shtator do ta festojë ditëlindjen e 40-të. Në verën e këtij viti, sipas mediumit spanjoll, Reali do të mundohet ta transferojë Trent Alexander-Arnoldin e Liverpullit, Din Huijsenin e Bournemouthit dhe Martin Zubimendin e Real Sociedadit. Modriqi me Real Madridin ka fituar plot 28 trofe, dhe është lojtari më i dekoruar i klubit madrilen.

Fituesi i “Topit të Artë” iu bashkua Real Madridit në vitin 2012 nga Tottenhami.