Tare: Është nder të punosh për një klub historik siç është Milani

“Milani është një objektiv për të gjithë. Të punosh për një klub historik dhe prestigjioz si ky do të ishte një nder“.

Kështu u shpreh Igli Tare gjatë një interviste për “La Stampa”, duke folur për mundësinë që të bëhet drejtori i ardhshëm sportiv i klubit kuqezi.

“Gjithmonë jam përpjekur të përfaqësoj vendin tim dhe, njëkohësisht, të jem shembull për shumë italianë”, deklaroi drejtori i njohur sportiv që bëri mjaft emër në këtë detrrë te Lazio.

Në fund ai tha: “Jam gjysmë italian. Kam gjysmën e jetës që punoj këtu, kam pasaportë italiane dhe e mbaj me krenari”.