“Bomba” nga mediat italiane, Jurgen Klop në Seria A?

Jurgen Klop është ndoshta emri që i bën tifozët e Romës të ëndërrojnë më shumë për një trajner të ri. Dhe është sigurisht një emër që pronari Dan Friedkin do të donte ta shihte në stolin e verdhekuqve.

“Do të ishte zgjedhja e tij, e cila do të thyente modelin dhe do të sillte përsëri entuziazmin e pakontrollueshëm që pasoi njoftimin e Hoze Murinjos. Nuk e di nëse do të ketë sukses, por kam pak dyshime se po përpiqet…”, zbuloi për Adnkronos një burim amerikan me njohuri të ngushta të biznesit të familjes Friedkin.

I njëjti burim, disa ditë më parë, kishte kërkuar të mos nënvlerësohej tundimi i pronarit teksanitar për të surprizuar përsëri me punësimin e një trajneri të nivelit të lartë jashtë listës së profileve të “arritshme” të hartuara nga Ranieri dhe Ghisolfi.

A është vërtet emri i Klopp një emër i mundshëm apo është thjesht një sugjerim?

Për ta sjellë atë në kryeqytet, nevojiten para dhe një projekt që mund ta bindë ish-trajnerin e Liverpullit e Dortmund të rikthehet në fushë, duke hequr dorë nga roli i tij si supermenaxher i klubeve të kontrolluara nga “Red Bull”. Aspekti i parë është i lidhur ngushtë me rregullat dhe kufizimet e “Fair Play Financiar”.

E dyta varet, natyrisht, nga zgjedhjet personale të Klopit dhe gjithashtu nga garancitë teknike që Roma duhet të vërë në tryezë.