Ultimatum në merkato, “Al Hilal” i jep 72 orë kohë Bruno Fernandesit
Klubi saudit Al-Hilal i ka bërë kapitenit të Junajtedit, Bruno Fernandes, një ofertë përfundimtare, duke i dhënë 72 orë afat për të vendosur nëse do të transferohet në Arabinë Saudite.
Sipas mediave britanike, oferta përfshin një rrogë javore prej 700,000 paundësh, pa taksa, që e katërfishon pagën aktuale të mesfushorit portugez.
Në total, marrëveshja trevjeçare do të kapte vlerën e 200 milionë paundëve, përfshirë bonuset. Përfaqësuesit e 30-vjeçarit kanë qenë në bisedime me Al-Hilal prej javësh, por tani është bërë një propozim final dhe i detyrueshëm.
Nëse Fernandes pranon, klubi është gati të bëjë një ofertë zyrtare prej 100 milionë paundësh për Mançester Junajtidin.
