Reali gati t’ia marrë nga duart PSZH-së, talentin argjentinas

Real Madridi po kërkon të rimarrë kontrollin mbi të ardhmen e lojtarit yll të River Plate, Franko Mastantuono. Interesimi i fundit nga PSZH-ja, po e bën “Los Blankos” që të përshpejtojë përpjekjet e tyre për të siguruar argjentinasin.

Asnjë marrëveshje nuk është finalizuar me PSZH-në dhe ylli argjentinas është i etur për një transferim në kryeqytetin spanjoll. Mastantuono, cilësohet si e ardhmja e futbollit argjentinas, ku me paraqitjet e tij me River Plate ka bërë të gjithë botën të hedhin sytë nga ai.

Që nga debutimi me skuadrën e parë ka bërë 61 paraqitje, duke shënuar 10 gola dhe 7 asistime për gjigantin argjentinas./IndeksOnline/