Ministri austriak jep detaje të reja rreth të dyshuarit që vrau të paktën nëntë persona në Graz

Të paktën 10 persona, përfshirë autorin e krimit, janë vrarë pas një sulmi me armë në një shkollë të mesme në Graz, një nga qytetet më të mëdha të Austrisë.

Ministri i Brendshëm austriak, Gerhard Karner deklaroi se vrasësi ishte një ish-nxënës që nuk e mbaroi shkollën.

“Çdo gjë tjetër është ende spekulim”, tha zyrtari austriak, raporton skynews.

“Ishte një ish-nxënës, por ai nuk e kishte mbaruar shkollën”, shtoi ai.

Drejtori i policisë së shtetit, Gerald Ortner thotë se policia nuk kishte asnjë informacion paraprak për personin e armatosur.

Ai i zotëronte të dy armët në mënyrë legale. I pyetur se çfarë lloj armësh janë përdorur, Ortner thotë se kjo është pjesë e hetimit.

Ndryshe, nxënës dhe të rritur janë midis 10 personave që kanë vdekur në këtë sulm nga i cili njoftohet se kanë mbetur 28 persona të plagosur.