Migrantët përleshën mes vete në Vaksincë të Kumanovës, ka dhe të lënduar
Dy grupe të migrantëve janë përleshur fizikisht mes tyre në fshatin Vaksincë të Komunës së Likovës. Gjatë përleshjes dy migrantë nga Pakistani kanë mbetur të lënduar dhe janë dërguar në spitalin e Kumanovës për kurim.
“Dje rreth orës 14:30 minuta në stacionin policorë të Matejçit është denoncuar se në fshatin Vaksincë është prishur rendi dhe qetësia me përleshje fizike mes dy grupeve të migrantëve. Policia ka dalë në vendngjarje dhe ka ndërmarr masat e duhura për zbardhjen e rastit”, thuhet në njoftimin e policisë.
