Arrestohet 63 vjeçari, dërgohet në burg për vuajtje të dënimit

Privohet nga liria 63-vjeçari A.R. nga Shkupi i cili menjëherë është dërguar në vuajtje të dënimit prej 12 vjetëve. A.R. ishte në arrati për rreth 17 vite, megjithatë dje ra në pranga të policisë.

“Më 04.07.2021 rreth orës 18.20 policët nga Kisella Voda dhe Çairi, në rrugën e Lubotenit kanë arrestuar A.R .(63) nga Shkupi, i cili ka qenë në arrati që 17 vjet. Për të ishte shpallur fletarrestim qendror për të mbajtur dënimin me burg prej 12-vjetësh për “prodhim të paautorizuar të drogave narkotike”.

Ai është dorëzuar në stacionin policor për procedurë të mëtutjeshme, ku më pas do të transferohet në institucionin ndëshkues për mbajtjen e dënimit me burg”, bëjnë të ditur nga Ministria për Punë të Brendshme.