Rritet numri i viktimave nga tërmeti i fuqishëm në Haiti

Është rritur në 1.419 numri i personave që kanë humbur jetën dhe mbi 6.900 numri i të plagosurve si pasojë e tërmetit prej 7.2 ballë që goditi të shtunën brigjet e Haitit.

Zyrtarët njoftuan se në vend është përjetuar një shkatërrim i madh dhe se janë në vazhdim punimet e kërkim-shpëtimit nën rrënoja.

Agjencia e Mbrojtjes Civile e Haitit tha se është rritur në 1.419 numri i personave që kanë humbur jetën dhe mbi 6.900 numri i personave të plagosur si pasojë e tërmetit.

Administrata e vendit e cila u përball me një shkatërrim dhe tronditje të madhe i bëri thirrje për ndihmë komunitetit ndërkombëtar.

Shërbimi Gjeologjik Amerikan (USGS) kishte njoftuar se epiqendra e tërmetit 7.2 ballë ishte 12 kilometra në verilindje të rajonit Saint-Jean-du-Sud.

Pas tërmetit që u ndje në kryeqytetin Port-au-Prince të Haitit popullata doli në rrugë në panik.

USGS pas një kohe tërhoqi paralajmërimin për cunami të cilin e bëri pas tërmetit të regjistruar në një thellësi prej 10 kilometrash.

Në rajon u dërguan ekipe për punimet e kërkim-shpëtimit.

Kryeministri i Haitit, Ariel Henry në një deklaratë informoi se në tërmet ishin shkaktuar dëme me përmasa të gjera. Ai njoftoi shpalljen e gjendjes së jashtëzakonshme njëmujore në vend.