A e keni edhe këtë luks edhe ju? Një vajzë udhëton me avion për punë, është më lirë se të marrësh një apartament me qira

Një vajzë 21-vjeçare nga Karolina e Jugut udhëton për në punë me avion sepse është më lirë se pagimi i qirasë, raportojnë mediat amerikane.

Sofia Celentano, një praktikante në Ogilvy Health, ndau një video në TikTok në të cilën rrëfen se si bën një udhëtim me avion 4 orë e gjysmë nga Karolina e Jugut në New Jersey një herë në javë për praktikën e saj verore 10-javore.

Domethënë, asaj i kërkohet të punojë në zyrë një herë në javë, dhe Sofia i përgjigjet pyetjes më të zakonshme të kureshtarëve se udhëtimi me avion është vërtet më fitimprurës për të sesa opsioni i marrjes me qira të një apartamenti në New Jersey dhe se në këtë mënyrë ajo arrin të kursejë një shumë të konsiderueshme parash .

Sofia punon me orar hibrid, punon nga distanca 4 ditë në javë dhe duhet të paraqitet në zyrë të mërkurave.

“Nuk m’u duk se ia vlente të merrja me qira një apartament të shtrenjtë pranë zyrës nëse do të më duhej të isha aty vetëm 8 orë në javë”, tha ajo.

TikToker tregoi se si duket dita e saj kur ajo udhëton për në punë me avion. Ajo zgjohet rreth orës 4 të mëngjesit dhe pas disa këshillave të një kolegeje, kuptoi se për të është më praktike të grimohet në avion për të fjetur edhe disa minuta.

“Udhëtimi për në zyrë zgjat rreth 45 minuta, ndaj mbërrij në orën 9 të mëngjesit”, ka shpjeguar ajo duke treguar në komente se fluturimet i paguan nga paga.

@sophiacelentano48 hopefully this clears any confusion if you’re new to my page🫶 #foryou #fyp #supercommuter #commutingintern #takingaplanetowork #corporateintern ♬ original sound – Sophia Celentano