A mund të anojë majtas Gjermania në zgjedhjet e reja?

Me më pak se dy javë para zgjedhjeve, debati më i ashpër është nëse qeveria e ardhshme mund të përfshijë një parti nga ekstremi i majtë pacifist.

Për konservatorët që kanë qenë në qeveri në Gjermani për 16 vjet, është një mundësi thuajse shumë skandaloze për ta menduar pasi, nëse sondazhet aktuale janë të sakta dhe partitë e qendrës së djathtë nuk fitojnë terren para ditës së zgjedhjeve, Gjermania mund të anojë drejt së majtës.

Analistët paralajmërojnë se Gjermania mund të ketë një koalicion të social-demokratëve të qendrës së majtë (SPD), të Partisë së Gjelbër dhe partisë së majtë ”Die Linke”.

Por,

1. Ky koalicion është jopopullor në sondazhe

Sipas një sondazhi të transmetuesit publik ZDF javën e kaluar, ky kombinim është më jopopullori i koalicioneve të mundshme pas zgjedhjeve federale më 26 shtator. Pesëdhjetë e gjashtë për qind e të anketuarve do ta shikonin atë negativisht dhe vetëm 28 për qind pozitivisht.

2. ”Die Linke” është parti e dobët

”Die Linke” po përpiqet të ruajë mbështetjen në mesin e publikut, madje edhe në zonat e saj në lindje të vendit dhe do të përbënte një partner të dobët koalicioni me pak ndikim. Partia mund të bjerë nga 9,2 për qind që arriti në zgjedhjet e fundit në rreth 6,0 për qind, nëse besohet te sondazhet. “Me përjashtim të Thuringias, ‘Die Linke’ ka fituar mbështetje në Lindje”, thotë politologu Andre Brodocz. ”Ka pasur konkurrencë të fortë nga Alternativa për Gjermaninë (AfD) e ekstremit të djathtë në lindje, pavarësisht dallimeve politike midis dy partive”, thekson ai.

3. Paralajmërimet e konservatorëve po godasin në shenjë

”Paralajmërimet e krahut të djathtë në lidhje me rreziqet e sigurisë për të sjellë të majtët në qeveri janë të vjetruara, por po e ndriçojnë në një farë mase ‘Die Linke”, thotë Brodocz. Kjo përfshin një fokus në politikat e saj të tilla si mbështetja e shpërbërjes së NATO-s dhe dëshira për ndalimin e eksportit të armëve. ”Die Linke” deri më tani i është përmbajtur manifestit të saj, pavarësisht disa shenjave të vogla që ata mund të kenë përgatitur për të negociuar.

4. Ky koalicion ka ekzistuar në nivele landesh për vite të tëra

Kryeministri në ish-landin lindor të Thuringia është nga ”Die Linke”, në krye të një koalicioni me SPD-në që nga viti 2014. Në Berlin, kryetari i SPD-së gjithashtu drejton një koalicion tresh. Një pararendës i mëparshëm ishte një qeveri SPD-të Gjelbër në Saksoni-Anhalt në 1994, e cila mori mbështetje të kufizuar nga PDS, një parti e Gjermanisë Lindore që më vonë u bashkua me ”Die Linke”.

5. Ka pengesa të tjera në nivel federal

Në nivelin federal, është mbrojtja dhe politika e jashtme e ”Die Linke” ajo që është pika kryesore e ngecjes. Kandidati për kancelar i SPD-së Olaf Scholz ka thënë se do të kërkojë një angazhim të qartë ndaj NATO-s nga çdo partner koalicioni. Kreu i ”Die Linke” në parlament, Dietmar Bartsch, e ka përshkruar kërkesën e Scholz si “marrëzi njohjeje” që nuk duhet të pengojë qeverisjen e përbashkët.

Me gjithë bazat e përbashkëta në politikën e brendshme, të cilat ”Die Linke” ka qenë e prirur të theksojë javët e fundit gjatë fushatës – dhe indikacionet e forta nga udhëheqësit e ”Die Linke” se ata duan të jenë në qeveri – Brodocz është skeptik.

Ai e sheh një koalicion trepalësh midis SPD-të gjelbrit-liberal-demokratët e lirë (FDP) si më të mundshëm, pavarësisht vërejtjeve përçmuese për këtë ide nga shefi i FDP-së, Christian Lindner.