Administrata, policia dhe SBU u kthyen në Kherson

Krerët e administratave ushtarake rajonale, të qarkut dhe të qytetit, si dhe punonjësit e policisë lokale dhe të Shërbimit të Sigurisë të Ukrainës po punojnë tashmë në Kherson dhe rajon.

Kjo u bë e ditur nga nënkryetari i Zyrës së Presidentit të Ukrainës, Kyrylo Tymoshenko.

“Ne po rivendosim jetën e Khersonit dhe rajonit. Kreu i administratës ushtarake rajonale Yaroslav Yanushevich, Policia Kombëtare, SBU tashmë po punojnë në qytet dhe rajon”, thuhet në mesazh.

Kjo vjen pasi të premten Rusia tërhoqi plotësisht trupat e saj nga rajoni i Khersonit.

Tashmë disa njësi ushtarake janë vendosur në rajon, derisa trupat e plotë priten të hyjnë.