Al Nassr me ofertë konkrete për të marë mesfushorin e Interit

“Al Nassr”, ekipi ku luan edhe Kristiano Ronaldo në Arabinë Saudite, është duke tentuar seriozisht Marselo Brozoviçin, mesfushorin e Interit.

Kroati është një nga më të mirët në rolin e tij në Europë dhe këtë gjë e ka treguar më së miri ndër vite me zikaltërit, por edhe me kombëtaren e tij. Së fundmi, sipas raportimit nga “Sky Sport”, klubi saudit ka gati 15 milionë euro për t’i ofruar Interit për kartonin e Brozovic.

Momentalisht oferta mbetet më e ulët se sa kërkon Interi, por marrëveshja mund të zgjidhet. Në rast largimi, Interi do të investojë menjëherë te Davide Fratesi për ta sjellë atë sa më shpejtë në Milano.