Aleksis Sançez, shkaktari kryesor që Dibala firmos me Romën?!

Aleksis Sançez, është duke u bërë ballë kërkesave të Interit. Klubi zikaltër është duke i ofruar 4 milionë euro në dorë që të shkëpusë kontratën e tij me Interit. Sulmuesi kilian ka refuzuar dhe ka thënë se do të qëndrojë deri kur t’i mbarojë kontrata.

Sançez ka edhe një sezon në kontratë me 7 milionë euro në sezon, por nuk është pjesë në planet e Inzagit. Kokëfortësia e tij është duke bërë Paolo Dibala të largohet edhe më shumë nga Interi dhe të shkojë drejt klubit të AS Roma. Mediat italiane shkruajnë se argjentinasi ka dhënë përgjigjen pozitive, drejtuesve të klubit Italian nga kryeqendra e Italisë.