Ambasadorët e BE-së miratojnë ratifikimin e marrëveshjes provizore post Brexit
Përfaqësuesit e 27 vendeve anëtare të BE-së dhanë sot dritën jeshile për një aplikim të përkohshëm të marrëveshjes tregtare postBrexit midis Brukselit dhe Londrës, më 1 janar, në pritje të miratimit nga eurodeputetët në fund të shkurtit.
“Ambasadorët e vendeve anëtare të BE kanë miratuar njëzëri aplikimin e përkohshme më 1 janar 2021″, shkroi një zëdhënës i Presidencës gjermane të BE-së.
“Qeveritë e vendeve anëtare duhet ta miratojnë zyrtarisht dhe ta nënshkruajnë marrëveshjen deri të martën në 15:00 (14:00 GMT)”, shtoi ai.
Në Berlin, Ulrike Demmer, një zëdhënëse e kancelares Angela Merkel, konfirmoi se Gjermania mund ta pranojë marrëveshjen e negociuar pas një thirrjeje të konferencës qeveritare mbi marrëveshjen.
