Amorim: Tani fokusi ynë i plotë do të jetë vetëm në Ligën Evropa

Trajneri portugez, Ruben Amorim ka zbuluar se Man. Junajtedi tani do të fokusohet plotësisht në fitimin e garës së dytë evropiane të klubeve, Ligës së Evropës.

“Djajtë e Kuq” janë në vendin e 14-të në Premier Ligë dhe ka gjasa të përfundojnë në gjysmën e fundit të tabelës këtë edicion. Megjithatë, ekipi nga “Old Trafford” po ecën mirë në garat evropiane, pasi kanë kaluar tashmë në gjysmëfinale të Ligës së Evropës.

Nëse ata fitojnë Ligën e Evropës, do t’u garantohet një vend në Ligën e Kampionëve sezonin e ardhshëm. Pas fitores ndaj Lionit në çerekfinale, Amorim deklaroi se ky është synimi i ekipit tashmë, pasi do të fokusohen në garën evropiane.

“Ne me të vërtetë duhet të fokusohemi në Ligën e Evropës dhe ndonjëherë të rrezikojmë me fëmijë në Premier Ligë. Tifozët duhet të kuptojnë se ne duhet të fokusohemi në Ligën e Evropës”, ka thënë Amorim.