Analisti: Mund të presim përfundimin e luftës në fund të verës së ardhshme, Ukraina do të fitojë

Mike Martin, një studiues i lartë në studimet e luftës në Kolegjin Mbretëror në Londër, thotë se beson se lufta në Ukrainë do të përfundojë deri në fund të verës së vitit 2023. Ai shtoi se “duket se Ukraina përfundimisht do të fitojë”.

Në një intervistë për Times Radio, Martin tha: “Kur them fitore, kam parasysh dëbimin e ushtrisë ruse nga territori sovran ukrainas, duke përfshirë Krimenë dhe Donbasin”.

“Logjistika është jashtëzakonisht e rëndësishme për luftën. Amatorët flasin për taktikat dhe profesionistët për logjistikën. Ky ishte në fakt qëllimi i Ukrainës. Në gusht, presidenti Zelensky tha se ai do të fillonte të sulmonte Kherson nga shtatori. Tani, kanë kaluar dy muaj, dhe rusët janë duke u tërhequr nga Kherson”, tha Martin.

“Ajo që ukrainasit kanë bërë shumë mirë gjatë dy ose tre muajve të fundit është shkatërrimi i urës së Krimesë, e cila ishte një linjë e rëndësishme furnizimi. Ata sulmuan depot hekurudhore, depot e karburantit, linjat hekurudhore,” shtoi ai.

Ai tha gjithashtu se ushtria nuk mund të mbrohej pa linja furnizimi, kështu që rusët u detyruan të tërhiqen.

Martin arriti në përfundimin se lufta kishte të ngjarë të “mbaronte” në fund të verës 2023, pas presionit nga të dyja palët në muajin mars dhe një “pushimi dimëror”.