Ançeloti kalon rekordin e Aleks Fergusonit
Fitorja e Realit të Madridit ndaj Bragës në “Santiago Bernabéu” jo vetëm që i garantoi skuadrës spanjolle kualifikimin në fazën e 1/8-ave të Ligës së Kampionëve, por vendosi edhe një rekord të ri fitoresh për trajnerin e e “Los Blancos”.
Karlo Ançelotti ka kaluar rekordin e Sir Aleks Ferguson si trajneri më i suksesshëm në kompeticionin më të madh evropian të klubeve. Tashmë janë 116 fitore për trajnerin italian, ndërsa ish-trajneri i Man. Juanjtedit ka fituar 115 herë. Real Madridit dhe Milani janë klubet me të cilat Ancelotti fitoi më shumë në Ligën e Kampionëve: 40 fitore me spanjollët dhe 42 me italianët. Është interesant fakti se trajneri madje e ngriti trofeun dy herë me të dyja skuadrat.
Në vendin e tretë, me 107 fitore, vjen trajneri aktual i Man. Sitit, Pep Guardiola, i cili kërcënon të arrijë së shpejti majat. Më pas vjen ish-trajneri i Arsenalit, Arsène Venger, me 103 fitore dhe së fundi, trajneri portugez, Hoze Murinjo me 81 fitore.
