Ançeloti: Me befason Belingami, ka shumë cilësi dhe pjekuri

Pas ndeshjes dramatike ndërmjet Napolit dhe Real Madridit, Karlo Ançelotti ka shpjeguar se çfarë e ‘befason’ atë në lidhje me Xhud Bellingamin dhe dy vendimet që i janë dukur ‘absurde’. Reali me vështirësi arriti ta mposht Napolin me rezultat 3:2.

“Ishte një lojë e vështirë, e luftuar deri në minutën e fundit. Pranuam një gol të shmangshëm, por më pas filluam të luanim dhe të krijonim raste. Momenti i vuajtjes ishte goli i barazimit me një penallti shumë të diskutueshme”, tha Ançeloti për “Sky Sport Italia”.

Trajneri Italian zgjodhi të luajë me Toni Krosin në mesfushë në vend të Luka Modriçit për ndeshjen e tretë radhazi.

“Pranimi i Modriçit na lejoi të kontrollonim më shumë topin dhe të merrnim fitoren në një arenë shumë të vështirë. Duket absurde që u vlerësua si autogol i Meretit, sepse Valverde pati atë goditje mahnitëse, ne e dimë se ai mund ta bëjë këtë. Valverde është një mesfushor i jashtëzakonshëm që ndër cilësitë e tij të shumta, ka edhe këtë gjuajtje nga distanca. Nuk ka rëndësi sa gola shënon këtë sezon, ” thekson Ançeloti.

Xhud Bellingham ka pasur një fillim sensacional në karrierën e tij te Real Madridi, duke shënuar tetë gola në nëntë ndeshje konkurruese.

“Ajo që më befason tek Bellingham është fakti se ai është 20 vjeç. Ai ka shumë cilësi, por edhe pjekuri dhe karakter të pabesueshëm për moshën e tij. Kjo është ajo që është vërtetë e habitshme”, tha 64-vjeçari.

Real Madridi është tani në krye të grupit me gjashtë pikë, i ndjekur nga Napoli dhe Sporting Braga me tre pikë, ndërsa Union Berlin i Leonardo Bonuçit, është në fund, me zero pikë.