Trajneri i Brazilit, Karlo Ançeloti, ka publikuar skuadrën për ndeshjet miqësore kundër Koresë së Jugut (10 tetor) dhe Japonisë të martën, më 14 tetor.
“Nuk është lista përfundimtare, por shumë nga këta lojtarë do të jenë të pranishëm në Kupën e Botës. Është një listë e prekur nga dëmtimet që kemi pasur ditët e fundit“, shpjegoi Ançeloti.
Markinjos, zakonisht kapiteni i Brazilit, mungon.
“Nëse Kasemiro pranon, ai mund të jetë kapiten. Unë e mbështes Kasemiro si kapiten.
Lidhur me thirrjen e Rodrigo, ish-trajneri i Real Madridit ishte decid.
“Ai po luan shumë mirë tani. Nuk luan shumë, por kur luan, është në gjendje të mirë fizike. Është një lojtar shumë i rëndësishëm për këtë ekip kombëtar. Është një sulmues që mund të luajë në të gjitha pozicionet sulmuese dhe mendoj se mund t’i sjellë shumë ekipit. Të gjithë e njohin Rodrigon. Sezonin e kaluar, ai pati disa probleme që i kapërceu, por tani është shumë i motivuar. Dua ta shoh këtu me ne“, tha Ançeloti.
Ançeloti dha një koment për Militaon.
“Ai pati një problem në ndeshjen e fundit, një dëmtim, por stafi mjekësor i ekipit kombëtar dhe ai i Real Madrid janë në kontakt. Kam folur me të dhe nëse është mirë dhe nuk ka probleme, do të doja që ai të ishte me ne. Do të luajmë për të luajtur mirë dhe për të fituar. Ky është prioriteti. Do të ketë lojtarë të rinj që do të hyjnë në fushë, të cilët do të kem mundësinë t’i njoh, por prioriteti është shumë i qartë: duhet të fitojmë, të luajmë mirë nëse është e mundur dhe të përmirësohemi në të gjitha fushat që kam përmendur tashmë”, tha Ançelotti.
