Arne Slot befason me deklaratë para derbit me Mançester Sitin
Të dielen zhvillohet derbi anglez mes Liverpullit dhe Manchester Cityt. Të dy skuadrat janë pretendete për titull, me Liverpullin që aktualisht është lider në tabelë me 31 pikë, tetë më shumë se Man. Sitit. Por trajneri i Liverpulit, Arne Slot ka bërë një deklaratë interesante para këtij derbi.
Ai tha se i ka përcjellur ndeshjet e Pep Guardiolas edhe sa ishte te Barcelona dhe Bajern Munihu edhe tash te Man. Siti. Holandezi deklaroi se i pëlqen të shikoj skuadrat e Guardiolës duke luajtur.
“Ka pak njerëz në futboll që, kur i shikon, nuk të zhgënjejnë kurrë. 9 herë nga 10 ndeshjet e Barcelonës, Bajernit apo Man. Sitit kanë qenë gëzim për t’u parë për të gjithë ata që e duan futbollin. Pra, kjo është arsyeja pse më pëlqen të shikoj skuadrat e tij duke luajtur”, ka deklaruar Slot.
