Arrestohet 28 vjeçari nga Studeniçani, ja për çka akuzohet

Ministria për Punë të Brendshme njofton se gjatë ditës së djeshme (27.08.2023) diku në ora 17:50 në Kumanovë në vendin e quajtur “Sveta Mina” nga ana e zyrtarëve policorë është arrestuar 28 vjeçari M.A nga fshati Studeniçan, Shkup, për veprën penale “kontrabandë me migrantë”.

Ai duke drejtuar automjetin “Audi” në autostradën E-75, nuk është ndalur në shenjën e ndalimit të dhënë nga punonjësit e policisë dhe është larguar, por menjëherë pas ndërmarrjes së masave dhe veprimeve është ndaluar dhe privuar nga liria.

“Në automjet janë gjetur pesë emigrantë nga Siria. Për ngjarjen është njoftuar prokurori publik dhe pas dokumentimit të plotë të rastit do të dorëzohet parashtresa përkatëse”, thonë nga MPB.