Asensio ka vendosur tashmë, refuzon Ligën Premier për një kampionat tjetër
Asensio ka vendosur tashmë, refuzon Ligën Premier për një kampionat tjetër
Marco Asensio tashmë ka marrë një vendim. Lojtari do të largohet nga Real Madridi, do ta zyrtarizojë së shpejti dhe do të nisë një aventurë të re larg klubit të bardhë, ku ka kaluar shtatë sezone.
Sipas gazetës Marca, ylli spanjoll, i cili kishte disa opsione në tavolinë, tashmë e ka vendosur të ardhmen.
Të parët që mbërritën ishin Emery dhe Aston Villa e tij. Pas disa muaj negociatash, lojtari i ka bërë të ditur klubit të Ligës Premier se nuk do ta pranojë ofertën e tij dhe për rrjedhojë nuk do të transferohet në Angli.
Të gjitha rrugët të çojnë që Asensio të luajë për PSG-në e re sezonin e ardhshëm.
Tani pa Messin dhe ndoshta pa Neymar, Asensio do donte të vazhdonte në Ligën e Kampionëve, një garë që i ka dhënë atij gëzimet e mëdha të karrierës së tij duke luajtur për Real Madridin.
Takimet mes argjentit Jorge Mendes dhe drejtorit sportiv të PSG-së, Luis Campos, janë përsëritur ditët e fundit dhe pas refuzimit ndaj Aston Villas, Asensio do të jetë një lojtar i PSG-së me kontratë afatgjatë, gjë që është negociuar mes palëve.
Duhet mbajtur mend se Asensio do të mbërrinte si lojtar i lirë te skuadra parisiene, kështu spanjolli mund të marrë një bonus nënshkrimi ose një kontratë më të vlefshme.
