Atletiko Madridi prezanton Konor Gallagarin

Mesfushori anglez Konor Gallager ka nënshkruar kontratë pesëvjeçare me Atletiko Madridin. Kalimin nga Çellsi e ka bërë të ditur të mërkurën klubi spanjoll, Atletiko Madridi. Raportohet se skuadra spanjolle për Gallagherin ka paguar plot 36 milionë euro.

24-vjeçari u zhvillua si futbollist te Çellsi, ndërsa për ekipin e parë  të klubit anglez ka shënuar dhjetë gola dhe ka kontribuar me dhjetë asistime në 95 ndeshje. Ai për disa vjet ishte huazuar edhe te disa skuadra angleze. Luajti për Suonsi, Çarltonin dhe Uest Bromuiç Albionin.

Mesfushori debutoi për Anglinë në nëntor të vitit 2021. Ai ka luajtur për Anglinë në 18 ndeshje.