Austrisë po i mbarojnë akullnajat: Brenda 15 vitesh, vendi do të duket krejtësisht ndryshe

Për shkak të ndryshimeve klimatike, akullnajat në Austri po shkrihen gjithnjë e më shumë. Parashikohet që në 10 deri në 15 vitet e ardhshme, vendi do të humbasë një pjesë të akullnajave të tij.

Glaciologu Bernhard Sagel paralajmëron se disa akullnaja rreth Salzburgut kanë humbur tashmë gjysmën e akullit të tyre në vetëm 25 vjet, dhe siç qëndrojnë gjërat tani, parashikimet për të ardhmen e akullnajave në këtë vend evropian dhe më gjerë nuk janë aspak optimiste.

Studiuesit dhe hidrologët e akullnajave po hetojnë aktualisht akullnajat në Salzburg të Austrisë, dhe edhe nëse të dhënat e detajuara dhe rezultatet e matjeve nuk janë ende plotësisht të disponueshme, është e qartë se akullnajat kanë humbur përsëri masë dhe madhësi këtë vit.

Bernhard Sagel, një studiues i akullnajave në Universitetin e Salzburgut, e përshkruan këtë humbje masive si të jashtëzakonshme.

“Me tetë deri në nëntë orë me diell, akullnaja humbet rreth dhjetë centimetra nga lartësia e saj. Kjo është me të vërtetë shumë, sepse dhjetë centimetra akull humbasin çdo vit. Për ta kompensuar këtë, do të duheshin dhjetë metra borë e freskët, e cila më pas do të shndërrohej në akull.”

Zagel thotë se reshjet e dendura të dëborës në malet Tauern të Austrisë gjatë pranverës dhe fillimit të verës kanë bërë pak për të mbrojtur akullnajat, dhe ai thekson se sasia e shkrirjes në një lartësi prej 3,000 metrash është në një nivel të pabesueshëm.

“30 vjet më parë, liqeni akullnajor i Sonblickés sapo ishte formuar. Atje ku tani ka shkëmb të zhveshur, atëherë kishte dhjetë metra akull, ndërsa sot skaji i akullnajës është 600 metra larg. Nëse pyet për arsyen, a është efekti serë, duhet të them se është gjithnjë e më e vështirë të provosh se nuk është efekti serë.”

Stubacher Sonnblick, në një lartësi prej 2,700 metrash, ka humbur 45 milionë metra kub akull në 25 vitet e fundit, gjysmën e masës së tij. Studiuesit parashikojnë se brenda dhjetë vjetësh nuk do të ketë akullnaja të dukshme në zonë.

“Mendoj se pas dhjetë vitesh nuk do të jeni në gjendje ta shihni më akullnajën. Mund të shohim ende copa të vogla akulli, por bazuar në atë që dimë për gjeometrinë e akullnajës, mund të themi me siguri të madhe se nuk ka gjasa t’i shohim ato në 10 deri në 15 vitet e ardhshme”, paralajmëron Zagel.