Automekaniku këshillon se kur është koha më e mirë për të shitur makinën tuaj

Automekaniku Scotty Kilmer këshillon shoferët që të shesin makinën e tyre sapo të vërejnë një nga këto probleme. Dritat paralajmëruese, rrjedhjet e lëngjeve, problemet me drejtimin elektrik dhe zhurmat e pazakonta janë shenja që makina juaj mund të ketë një problem mekanik.

Scotty thekson se është më mirë të shesësh automjetin ndërsa mund të riparohet ende sesa të presësh që të prishet plotësisht. Blerësit preferojnë të blejnë një makinë që ende mund të riparohet sesa një makinë që kërkon riparime të shtrenjta vetëm për ta rikthyer atë në gjendje pune.

Është koha për të shitur makinën tuaj të vjetër

– Unë do t’ju them se kur është koha e duhur për të hequr qafe makinën tuaj të vjetër. Ky ka një motor krejtësisht të mirë, por herë pas here ka dridhje kur ndërron marshin. Prandaj më duhet ta shes tani, sepse riparimi i kambios automatike mund të kushtojë shumë. “Vetëm sigurohuni që të njoftoni blerësin për çdo defekt”, theksoi ai.

– Nëse blerësi mendon se ju e keni mashtruar duke mos përmendur problemet me makinën, ai mund t’ju padisë. Kjo është veçanërisht e rëndësishme nëse makina ka një defekt serioz që e bën të pasigurt drejtimin, siç janë gomat e këqija ose pasqyrat e thyera. Shitja e një makine të parregullt është krim – thonë ekspertët e “Arag Law”, kompani sigurimesh.

Njerëzit që shesin një makinë të dëmtuar do të duhet të përgatiten të ofrojnë një çmim më të ulët se zakonisht për atë model. Kostoja e riparimeve duhet të zbritet nga çmimi i tregut të një makine të ngjashme. Nuk është për t’u habitur që një makinë që nuk funksionon vlen më pak se vlera e saj në treg. Marka dhe modeli janë të rëndësishme, por kur makina nuk funksionon, gjendja e saj ka ndikimin më të madh në çmim.