Babë e bir do të luajnë së bashku në NBA për të njëjtin ekip
U mbajt raundi i dytë i draftit të NBA në Bruklin, ku u shkrua historia, sepse Los Anxheles Lejkers draftuan Broni Xhejmsin (19-vjeçar), i cili duhet të luajë me babanë e tij të famshëm LeBron Xhejms (39-vjeçar).
Bronny u zgjodh me zgjedhjen e 55-të nga Lejkers pasi humbi një zgjedhje në raundin e parë të mërkurën, por tani ai dhe babai i tij do të bëjnë historinë e NBA. Domethënë, të dy do të jenë baba e bir që do të luajnë së bashku në NBA për të njëjtin ekip dhe për herë të parë, duke përmbushur ëndrrën e kahershme të LeBronit.
Sipas ESPN, LeBron ishte “shumë emocionues” në momentin kur djali i tij u zgjodh nga Lejkers dhe familja Xhejms u mblodh në Nju Jork për një darkë ku ndoqën raundin e dytë të draftit të NBA.
Gjithashtu, LeBron ka postuar në Instagram një foto me djalin e tij kur ishte fëmijë me përshkrimin “trashëgimi”. Broni vjen në NBA nga Universiteti i Kalifornisë Jugore, ku ai shënoi mesatarisht 4.8 pikë, 2.8 kërcime dhe 2.1 asistime në 19.4 minuta për lojë.
19-vjeçari ra në vëmendjen e publikut vitin e kaluar kur pati një atak kardiak, i cili bëri që të bënte një pushim pesë mujor, por për fat u shërua dhe iu rikthye basketbollit.
Nga ana tjetër, LeBron ka hyrë në vitin e fundit të kontratës me Lejkersat dhe ka afat deri të shtunën për të vendosur për statusin e tij për sezonin e ardhshëm, por është e sigurt që pas kësaj do të qëndrojë në Los Anxheles.
