Barazojnë Napoli dhe Roma, “buzëqeshin” Milani e Bolonja
Pas kurorëzimit të Interit si kampion dhe rënies të Salernitanës në Sernë B, të tjera verdikte janë zbuluar në Seria A. Barazimi 2-2 mes Napolit dhe Romës bën të lumtur Milanin dhe Bolonjën. “Djalli” është kualifikuar matematikisht në Ligën e Kampionëve me katër javë ende për tu luajtur dhe do të jetë në startin e turneut më prestigjioz për të katërtën herë radhazi.
Ndërkohë momenti historik edhe për Bolonjën e Tiago Motës, që rikthehet në kompeticionet europiane pas plot 32 vitesh. Katër javët e fundit do të shërbejnë për të përcaktuar se në cilën garë: për momentin kuqeblutë janë në vendin e katërt (5 më të mirat shkojnë në Ligën e Kampionëve), +4 nga Roma dhe +6 nga Atalanta. Torino, Napoli Juventus dhe Xhenoa, pengesat e fundit përpara se të festojnë një sezon ëndrrash.
Hera e fundit që luajti atje ishte në fakt ditë vere 22 vjet më parë, në një Kupë që nuk ekziston më. Ishte Intertoto në verën e vitit 2002: kundërshtari ishte Fulham, i cili pasi rrëmbeu 2-2 në Dall’Ara, arriti të fitojë 3-1 në Angli në ndeshjen e kthimit të luajtur më 27 gusht. Kjo ishte pjesëmarrja e fundit e Bolonjës në kupat evropiane.
