Barcelona pret dritën jeshile për rikthim në shtëpinë ikonike

Barcelona ka dorëzuar zyrtarisht kërkesën pranë La Ligës për të luajtur ndeshjen e së shtunës kundër Atletik Bilbaos në stadiumin e tyre ikonë, “Camp Nou”, duke siguruar gjithë dokumentacionin e nevojshëm. Klubi shpreson të marrë miratimin komunal.

Ky moment shënon një kapitull të rëndësishëm për Barcelonën, e cila ka zhvilluar ndeshjet e saj në Stadiumin Olimpik për shkak të punimeve të mëdha të rinovimit në “Camp Nou”. Stadiumi do të funksionojë fillimisht me një kapacitet prej 45,401 vendesh, ndërsa rinovimi i plotë pritet të përfundojë në dhjetor të vitit 2027.

Megjithatë, sipas fazave të ndryshme të ndërtimit, kapaciteti do të rritet në 62,518 vende deri në fund të vitit 2025.