BE, sanksione për dronët iranianë

BE ka vendosur sanksione ndaj tre individëve dhe një entiteti të lidhur me dronët iranianë që “goditën” Ukrainën. Sipas një mesazhi të presidencës çeke në Twitter, “ambasadorët e BE-së ranë dakord për masat kundër subjekteve të përfshira në sulmet me dronë që goditën Ukrainën”. Shtetet e BE-së kanë vendosur të ngrijnë asetet e tre individëve dhe një entiteti përgjegjës për furnizimet me dron. BE-ja është gjithashtu e gatshme të shtojë sanksionet ndaj katër subjekteve të tjera iraniane që ishin tashmë në listën e mëparshme të sanksioneve.